MY OH MIND - 一大堆或許你也有興趣知的問題

上月底剛完成了２０１３年首個MY OH MIND課程，也許有一段時間沒有開課程及寫網誌，學員均很好奇在堂上問了一大堆問題，有些或許你也有興趣來「八」一「八」，節錄如下（口語化會傳神一點）：

學員：做咩你地隔咁耐先開班架？等到頸都長喇。

ＫＫ：我地係以催眠治療為主，開班係睇情況，好多時都係懶。開課程要有好多事前功夫要做，由要推又要招生。反而好多時係開私人班多，學員自己組好隊就打俾我度期，唔駛做前期工作，等我可以多Ｄ時間去準備課程。

學員：咦？MY OH MIND都唔係第一次攪架喇，Ｄ課程內容唔係已經有喇咩？重要去準備？

ＫＫ：世界變得咁快，D課程係需要針對學員的需要同埋與時並進，點可能唔去update同準備呢?

學員：我見過有唔少機構開OH 班攪團購，你地有冇攪架？

ＫＫ：冇。亦唔會考慮，雖然用平價作招徠，的確可以吸引唔少人黎上堂，只不過唔同機構有唔同的宗旨，我地係希望黎學OH的學員，係真真正正對OH有興趣先黎學，而唔係因為貪平來湊湊熱鬧果種，學唔學到，用唔用得著好視乎學只抱住咩野心態黎學。一向以來，我地都同學員講，如果佢地有D真係對OH有興趣但又想先體驗下OH，可以帶埋佢地黎上第一堂，不收取任何費用，所以我地開OH班係唔會用團購。

學員：其實你地係幾時開始開MY OH MIND嘅課程？

ＫＫ：第一個MY OH MIND課程已經係2009年喇，應該個課程資料重有響我地D blogs度

(後記，祖迪第一時間搵番條link出黎：http://www.hkhypnosis.com/post/21/850 有blog有真相)

學員：我都係黎你地度做前世催眠先知你地有攪OH課程，如果我有friends佢想知多D關於MY OH MIND嘅野，咁有咩野資料俾到佢？

ＫＫ：其實我地D主打課程都有自己嘅websites,不過都係採取被動方式，MY OH MIND嘅網址好易記，嘅然你問到，我就順便一次過賣埋廣告

MY OH MIND 網址: www.myohmind.com
MIND TECH科學靜坐證書課程 網址: www.mindtech1.com
前世催眠體驗工作坊 網址: www.pastnfuture.com
意覓思維 網址：www.ex-matrix.com
網誌: www.hkhypnosis.com 或 http://blog.hkhypnosis.com/