Mind Tech 學員分享靜坐體驗

最近一位年幾次前學過 Mind Tech 的學員跟我們分享他的靜坐體驗，我們並得這位學員同意將他的體驗轉載與大家分享：

Hi KK,

記得我嗎? 跟你學 Mind Tech 科學靜坐都有成年幾，果陣時我一心諗住自己好幾年黎學過唔少靜坐都好似冇咩特別，當聽見你個科學靜坐，乜靜坐都會科學嘅咩？就去上左你堂，你重記得我呢個聲氣多多嘅Dennis 嗎?

我學完之後冇寫學員感想，係當時未有咩野即時體會，果陣時我都重未捨得放低以前學果D靜坐方法，直至有次返工D野煩到我死，一瞌埋眼想靜坐時，日抖D煩野就標晒出黎，靜咩鬼坐? 越坐就越靜唔到。當個心成日叫自己靜D喇，一講個靜字，我就諗返起Mind Tech，於是一路按住你教嘅方法，真係可以好快咁靜落黎。經過呢次經驗，我終於放低以前所學嘅其他靜坐方法，單做Mind Tech，結我發現精神活力明顯比以前好，以前就越做就越唔想理野，真係有D想與世隔絕。

諗返轉頭，好多人好似我咁窮一生精力去學靜坐，以為打坐時間越長就越好，但原來自己唔明靜坐係咩野一回事，係咪適合自己，我自己一心係想得到靜坐對健康的好處，未想做和尚住，而且打坐真係要好多野配合，學左 Mind Tech之後知多左好多關於靜坐的科學研究，原來自己以前果套坐得越耐越好嘅諗法，令自己行左好多寃枉路。

你在 Mind Tech 教「雜念」同埋Level 1 狀態對我幫助最大，靜坐起黎事半功倍！我做番 Mind Tech 之後，個人響處理問題上(特別係濕滯果D)，可以冷靜落黎唔會好似以前咁衝動，連我女朋友都讚我好修養左添！

今次個email就補番之前冇響課堂完結之後個學員感想喇，你不妨提下其他學左 Mind Tech 嘅朋友記得要用呀！

Thanks,

Dennis